ULAP SA ANYONG WOLFO
tila ang ulap ay may anyong wolfo
di lobo na aakalaing balloon
napitikan lang ng kamera rito
habang namamahinga bandang hapon
ang taguyod ko'y wikang Filipino
na isa ko nang niyakap na misyon
tulad ng wolfo na pinapauso
upang ibahin sa lobo na balloon
animo'y wolfo ang aking nakita
na anyo ng naroong alapaap
na agad kong kinuhanan talaga
upang sa sining ay itulang ganap
tila wolfo'y nakatitig sa akin
gabayan ba ako'y kanyang tungkulin?
- gregoriovbituinjr.
06.26.2025
Walang komento:
Mag-post ng isang Komento