PAGBABASA SA MADALING ARAW
naalimpungatan akong sadya
nang may kumaluskos sa kusina
tila ba naglalaro ang daga
mula sa labas, nasok ang pusa
at di na rin ako nakatulog
pagkat nawala na rin ang antok
sa pagbabasa na lang uminog
ang mundo kong puno ng pagsubok
hanggang aklat ay aking nagalaw
nagbasa na sa madaling araw
libro na ang aking kaulayaw
dito'y may pag-asang natatanaw
ngunit nais ko pa ring umidlip
upang ituloy ang panaginip
kung saan ako'y may sinasagip
na sa tren ay muntik nang mahagip
- gregoriovbituinjr.
02.13.2025
Walang komento:
Mag-post ng isang Komento