Miyerkules, Disyembre 4, 2024

Tulok

TULOK

Una Pahalang, tanong ay TULOK
tila ba kaylalim na Tagalog
isip-isip, katugma ng TULOG
kaya Pababa muna'y sinagot

hanggang natanto ko't natandaan
sagot sa dating palaisipan
tila ba dumi sa tainga iyan
at nakita nga ang kasagutan

kahulugan ng TULOK ay LUGA
ah, nasagutan ko rin ng tama
dagdag-kaalaman sa salita
na magagamit din sa pagtula

kaya sa krosword, salamat muli
at itong utak ko'y nakabawi
palaisipan ay sadyang binhi
sa talasalitaan ng lahi

- gregoriovbituinjr.
12.04.2024

* palaisipan mula sa pahayagang Bulgar, Disyembre 4, 2024, pahina 11
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

Kaya ko pa bang maging makina?

KAYA KO PA BANG MAGING MAKINA? ‎ ‎i ‎ ‎humihina na ang aking mga piyesa ‎nagmahal kasi ang presyo ng gasolina subalit kaya ko pa bang maging...

  • Nakalilibang na palaisipang aritmetik
    NAKALILIBANG NA PALAISIPANG ARITMETIK Maikling sanaysay at tula ni Gregorio V. Bituin Jr. Maliban sa dalawang Tagalog krosword, sudoku at ha...
  • Maling tanong, kaya walang tamang sagot
    MALING TANONG, KAYA WALANG TAMANG SAGOT Maikling sanaysay at tula ni Gregorio V. Bituin Jr. Sa nakaraang palaisipang Aritmetik, petsang Mars...
  • Kwentong manananggal
    KWENTONG MANANANGGAL may multong sa kanya'y nagtanong: "bakit ka kalahating multo?" at ang sagot niyang pabulong: "noon a...