NAALIMPUNGATAN
madaling araw na naman
sa tulog ay kasarapan
ngunit naalimpungatan
biglang bangon sa higaan
isulat ang nasa isip
iyon ang agad nalirip
anong nasa panaginip?
ah, ako'y muling iidlip
sa banig nakabaluktot
pagkat kay-ikli ng kumot
tila balisa't malungkot
ako ba'y binabangungot?
napatingin sa kisame
ano kaya ang mensahe?
- gregoriovbituinjr.
10.14.2024
Walang komento:
Mag-post ng isang Komento