Tahak, hatak, katha

TAHAK, HATAK, KATHA

aking tinatahak ang landasing
di matingkala kung di batirin
tila gagambang lumalambitin
sa baging ng di mo akalain

tila ba kung anong humahatak
sa haraya't ginapangang lusak
ang mga panggatong na sinibak
ay malapit sa tungko nilagak

habang kinakatha'y mga paksa
ng manggagawa't anak-dalita
ang bagyong di pa rin humuhupa
sa kalunsuran ay nagpabaha

- gregoriovbituinjr.
09.18.2022

Mga Komento

Mga sikat na post sa blog na ito

Ang aklat ng haiku ni Rogelio G. Mangahas

Hawak-kamay

Pananalasa ni Ulysses, nagpalubog sa mga lalawigan ng Cagayan at Isabela