Martes, Marso 1, 2022

Tayo naman

TAYO NAMAN

sigaw natin: "Manggagawa Naman!"
ilagay natin sa panguluhan
ang ngalang Ka Leody de Guzman
sigaw ng obrero: "Tayo Naman!"

pag pinag-isipan, anong lalim
sagipin natin mula sa dilim
itong bayang inabot ng lagim
sa patayang karima-rimarim

sagipin natin ang ating nasyon
mula sa matinding pagkagumon
sa lintik na liberalisasyon,
deregulasyon, pribatisasyon

habang ating itinataguyod
ang living wage, pagtaas ng sahod
baligtad na tatsulok ang buod
ng pangarap na kalugod-lugod

tutulungan ang bata't babae
vendor, maralita, at pesante
at labanan ang mga salbahe:
ang burgesya't trapong asal-bwitre

"Tayo Naman!" na animo'y suntok
sa buwan subalit nanghihimok
palitan na ang sistemang bulok
at dukha ang ilagay sa tuktok

- gregoriovbituinjr.
02.28.2022
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

Sa mga kurakot ngayong Biyernes Santo (14th Black Friday Protest ng 2026)

‎SA MGA KURAKOT NGAYONG BIYERNES SANTO ‎ ‎sa mga kurakot, tuso, ‎buwitre't buwayang trapo: ‎kayong kawatan sa pondo ‎ng bayan, magsisi k...

  • Nakalilibang na palaisipang aritmetik
    NAKALILIBANG NA PALAISIPANG ARITMETIK Maikling sanaysay at tula ni Gregorio V. Bituin Jr. Maliban sa dalawang Tagalog krosword, sudoku at ha...
  • Maling tanong, kaya walang tamang sagot
    MALING TANONG, KAYA WALANG TAMANG SAGOT Maikling sanaysay at tula ni Gregorio V. Bituin Jr. Sa nakaraang palaisipang Aritmetik, petsang Mars...
  • Kwentong manananggal
    KWENTONG MANANANGGAL may multong sa kanya'y nagtanong: "bakit ka kalahating multo?" at ang sagot niyang pabulong: "noon a...