sa akin, ang pagkain na'y para lang gasolina
kailangan mo na lang ito upang lumakas ka
tumikim pa ng ibang putahe'y di na masaya
basta kung ano ang nandyan, iyon ang kainin na
patakaran ko na lang sa ulam ay murang presyo
at di kung masarapan ba ako sa lutong ito
medyo matabang, o maanghang man, kakainin ko
upang matapos na't magawa ang ibang proyekto
huwag mo na akong tanungin anong kakainin
kung tuyo ang mura, iyon ang aking uulamin
kung may talbos sa paligid, iyon ang lalagain
basta anong kaya ng bulsa, iyon ang lutuin
kahit araw-araw akong adobong porkchop, ayos lang
araw-gabi mang tuyong hawot o kangkong, okay lang
basta mabusog, ito na ang bagong patakaran
kumain upang may panggasolina ang katawan
- gregbituinjr.
Mag-subscribe sa:
I-post ang Mga Komento (Atom)
HEART at EARTH
HEART AT EARTH pag nirambol ang mga salitâ tulad ng EARTH ay HEART ang katagâ may pusò kang mahalin ang lupà o daigdig nating lumu...
-
NAKALILIBANG NA PALAISIPANG ARITMETIK Maikling sanaysay at tula ni Gregorio V. Bituin Jr. Maliban sa dalawang Tagalog krosword, sudoku at ha... -
MALING TANONG, KAYA WALANG TAMANG SAGOT Maikling sanaysay at tula ni Gregorio V. Bituin Jr. Sa nakaraang palaisipang Aritmetik, petsang Mars... -
KWENTONG MANANANGGAL may multong sa kanya'y nagtanong: "bakit ka kalahating multo?" at ang sagot niyang pabulong: "noon a...
Walang komento:
Mag-post ng isang Komento